2016 ஆம் ஆண்டு மார்ச் 31 ஆம் திகதி நடைபெற்ற மேற்படி செய்தியாளர் சந்திப்பின் போது தாம் தெரிவித்த சர்ச்சைக்குரிய கருத்துக்களுக்காக இலங்கையிலுள்ள முஸ்லிம் சமூகத்திடம் பொது மன்னிப்புக் கோருவதாக தேரர் கொழும்பு மேல் நீதிமன்ற நீதிபதி முன் தெரிவித்தார்.
நாட்டிலுள்ள முஸ்லிம்களுக்கு தனது செயல்களுக்காக ஆழ்ந்த வருத்தத்தை வெளிப்படுத்தவும் தயாராக இருப்பதாக அவர் கூறினார்.
பின்னர், வழக்கின் சாட்சிய விசாரணையை முடித்துக் கொண்டு, வழக்கின் தீர்ப்பு மார்ச் 28-ஆம் தேதி வழங்கப்படும் என்று நீதிபதி படாபெண்டிகே அறிவித்தார்.
ஞானசார தேரர் சார்பில் சட்டத்தரணிகளான ஐரேஸ் செனவிரத்ன மற்றும் சஞ்சய ஆரியதாச ஆகியோர் ஆஜராகியிருந்தனர்.
2016 ஆம் ஆண்டு மார்ச் மாதம் 30 ஆம் திகதி இடம்பெற்ற ஊடகவியலாளர் சந்திப்பின் போது குரகல விகாரை தொடர்பில் பொதுபல சேனாவின் பொதுச் செயலாளர் தெரிவித்த கருத்துக்கள் தொடர்பில் இலங்கையில் மத மற்றும் இன ஒற்றுமையை சீர்குலைத்த குற்றச்சாட்டின் பேரில் சட்டமா அதிபர் அவருக்கு எதிராக வழக்குத் தாக்கல் செய்திருந்தார்.
நன்றி...
Jaffna-Muslim
0 Comments