காஸாவில் நோயாளிகளுக்காக சிகிச்சையளிக்க கூடார மருத்துவமனை...!

காஸா நகரில் போரினால் மருத்துவமனை அழிக்கப்பட்ட நிலையில் நோயாளிகளிடம் அதிக வாடகைச் சுமையைத் தவிர்க்கும் பொருட்டு மருத்துவர் ஒருவர் மேற்கொண்டு வரும் சேவை குறித்து சர்வதேச ஊடகம் ஒன்று செய்தியை வெளியிட்டுள்ளது.

ரிஸ்க் சுஃப்யான் அபோ ஹலிமா என்ற மருத்துவர் கடுமையான கோடை வெயிலையும் பொருட்படுத்தாமல் ஒரு சிறிய கூடாரத்திற்குள் பல் மருத்துவச் சிகிச்சையை வழங்கி வருகிறார்.

காஸாவில் நிலவும் கடுமையான கட்டிடத் தட்டுப்பாடு மற்றும் வாடகை உயர்வைத் தவிர்க்கும் வகையில் இந்த மாற்று ஏற்பாட்டை மேற்கொண்டுள்ளார்.

அத்துடன் ஏழை நோயாளிகளுக்குக் குறைந்த செலவில் மருத்துவச் சேவையை வழங்குவதையும் நோக்காகக் கொண்டு அவர் தனது மருத்துவ உபகரணங்களையும் பாதுகாப்பாகப் பராமரித்தும் வருவதாக தெரிவிக்கப்பட்டுள்ளது.

வேறு கட்டடம் ஒன்றை கண்டுபிடிப்பதுதான் வெளிப்படையான தீர்வாக இருக்கும் ஆனால் காஸாவில் வீடுகள் மற்றும் வணிக வளாகங்களைக் கண்டுபிடிப்பது மிகவும் கடினமாக உள்ளதுடன்இ எஞ்சியுள்ள சில இடங்களும் வாடகைக்குக் கூட முடியாத அளவுக்கு மிக அதிக விலைக்கு விற்கப்படுகின்றன.

ஐக்கிய நாடுகள் சபையின் செயற்கைக்கோள் மையத்தின் (UNOSAT) தரவுகளின்படி காஸா நகரம் மற்றும் வடக்கு காஸாவில் ஐந்தில் நான்கு பங்குக்கும் அதிகமான கட்டிடங்கள் இஸ்ரேலின் தாக்குதல்களால் முற்றிலுமாகவோ அல்லது கடுமையாகவோ சேதமடைந்துள்ளன.

இந்தநிலையில், ஐந்தில் ஒரு பங்கு கட்டிடங்கள் மட்டுமே தற்போது பயன்பாட்டில் உள்ளன.

அத்துடன் கட்டுமானப் பொருட்கள் மீது இஸ்ரேல் விதித்துள்ள தடை காரணமாக பழுதுபார்ப்பதும் சாத்தியமற்றதாகிவிட்டதாக தெரிவிக்கப்பட்டுள்ளது.